Wednesday, January 2, 2013

Enter 2013

Kung nababasa mo 'to binabaiti kita ng CONGRATULATIONS at naka-survive ka sa 2012. Kung sampu pa rin ang daliri mo at wala kang paputok injuries CONGRATULATIONS ulit. Para naman sa mga nakahabol at nakahanap ng kanya-kanyang jowa bago magpaalam ang 2012 - CONGRATULATIONS at naka-graduate na kayo sa University of Singleness bachelor in loneliness. Tuluyan na rin kayong tumiwalag sa notorious gang na kung tawagin ay SMP (Samahang Malalamig ang Pasko). Para naman sa mga naiwang kasapi ng SMP, CONGRATULATIONS pa rin at bibigyan ko pa kayo ng jacket courtesy of Kuya Wil para daw mabawasan naman ang lamig ng mga gabi nyo sa 2013.

Kamusta naman ang 2nd day of 2013? Sa pagninilay-nilay ko I can say na VERY promising ang taong ito. Unang una, iba na ang status ko so mababawasan na ang kaltas ko sa SSS. Kapag may kasalan excused na ko sa mga bachelors na kailangang umagaw sa garter. No more hiding sa CR kapag nasa agawan-garter-portion na, YES! This first quarter ineexpect na rin naming matapos na yung MANSION namin sa Cavite. To follow na lang yung tubuhan at asukarera siguro (yeah right!).

For the past few days, wala rin akong reklamo dito sa Las Pinas. Sarap ng chibog, nandito ang mga pusa ni Judy at si Ashong, naka set-up na din ako ng gaming portion sa kwarto, nakapamili na rin  ako ng mga anik-anik from DV para magmukhang "pang mag-asawa" yung room namin, at higit sa lahat, ang PINAKA love ko sa Las Pinas ay natuklasan ko nung bagong taon. WALANG PAPUTOK! Ang hate na hate kong kaliwa't kanang sabugan sa Tondo ay isang masamang panaginip na lamang - AMEN! Dahil dito sa Las Pinas puro fountains lang ang makikita sa kalsada. Iba't ibang fountains. For the first time, matiwasay akong nakapaglakad sa labas sa kasagsagan ng new year. Kung nasa Tondo ako wala pa sigurong 30 seconds sumambulat na ang paa ko dahil sa mga nagkalat na paputok. Masaya palang panoorin ang pagpalit ng taon sa labas ng bahay. Makita yung langit na parang christmas tree na nagpapalit-palit ng kulay in a very spectacular manner. Ganda! Ganun siguro mukha ng langit sa gabi kapag nag make-up.

Siguradong marami ring mga reunions ang naganap across the country. Alam mo naman tayong mga pinoy, malalapit sa pamilya. Kaya nga sabi nila it's more fun in the Philippines di ba? Sigurado ako lahata tayo had a taste of reuniting with our relatives. Tawanan, kainan, sayawan, kainan, kamustahan, at kainan pa ulit. Ilang Gangnam Style kaya ang naisayaw? Ilang videoke songs kaya ang naikanta? Ilang palaro kaya ang nangyare? At higit sa lahat ilang extra rice nga ba ang naubos? HAHAHA (tawa ng guilty)!

And with that, I would like to welcome everyone not to the end but to a start of a new year. Cheers everybody - it's the end of the world year 2012! Enter 2013!

Happy new year from Mr. and Mrs. T!


No comments:

Post a Comment