Return of the Libing Dead

True love waits...

Simulan natin ang entry na ito sa isang pang-malakasang banat mula kay Coach Macky ng Kontrabando:

"Ang pag-ibig ko sa'yo ay parang si Macoy... 'di maaagnas."

Tulad ng issue ng pagpapalibing kay Marcos sa libingan ng mga bayani, ang 'love quote' na ito galing kay Coach Macky ay harsh... pero totoo. Dahil sa issue na 'to nahahati na naman ang mga pinoy. Ang dating patay na issue ng pagpapalibing kay Marcos ('yung senior ha!) sa libingan ng mga bayani ay parang zombie na muli na namang nabuhay at ngayon nga ay putok na putok na naman sa news at social media. Why not? National heroes day next week so talagang napapanahon lang pag-usapan.

Di naman mapagkakailang naging madilim ang ilang parte ng rehimeng Marcos noon. Aware ako about this hindi dahil ganon na'ko katanda ha, well-informed lang ako, he he. Anyway, may iba pa ngang nagsasabing ang mga extra judicial killings na nangyayari ngayon sa administrasyon ni Duterte ay pwedeng ikumpara sa mga 'salvage days' noong martial law. Might be true, pero let's leave the topic of extra judicial killings for another day. Point is - bakit daw kailangan ipalibing si Marcos sa libingan ng mga bayani kung kinokonsiderang 'impyerno' ang martial law era n'ya?

Need a rest? Tara na sa hottest resting place in town!

Alam n'yo ba na nasa batas na lahat ng presidente ay dapat ilibing sa libingan ng mga bayani? Sabi sa Republic Act 289, ang libingan ng mga bayani daw ay ang final resting place of presidents, national heroes, and patriots worthy of inspiring and being emulated by this generation and of generations still unborn. Presidente si Marcos so pasok s'ya sa condition 1 (resting place of presidents) - pero how about condition 2 (worthy of inspiring and being emulated by this generation and of generations still unborn)? 'Yan ang problema since the answer to this question is very debatable. Dito na papasok ang queue para sa salpukan ng pro Marcos at anti Marcos. Kaya nga si senator Dick Gordon ay nag-propose na ibahin na lang daw ang pangalan ng libingan ng mga bayani. Alisin na lang daw 'yung word na 'bayani' at gawing 'presidente at sundalo' or something like that. Sigh, anything to appease everyone.

In the end, ano nga ba ang magandang naidulot nitong debate na 'to? Bukod sa naging curious ang mga millenials sa ano nga ba talaga ang nangyare dati at galit na galit ang mga pinoy kay Macoy, parang talagang nag-cause lang s'ya ng walang humpay na debate at away. In my opinion, regardless sa outcome, parang halos wala na din akong pake eh, mas may impact sa akin 'yung repercussion 'nung issue. I mean, ikakaunlad ba ng Pilipinas kung mailibing 'don si Macoy o hinde? Mawawala ba ang trapik? Makakakain ba 'yung mga walang makain? I believe there are more pressing issues at hand lalo na sa crucial period na ito ng administrasyong Duterte. Kaya kesa magsapakan lahat ng masyadong involved regarding sa issue na 'yan, chillax lang tayo mga parekoy. Either way kasi, kahit ano pa maging desisyon ng supreme court about this issue, sigurado namang may magagalit, di ba? There's no way of making everyone happy - lahat laging may masasabi ('di ba Digong?).

With that, iiwanan ko kayo ng isang kantang iniaalay ko sa supreme court dahil kahit ano pang maging desisiyon nila - there's no easy way to break somebody's heart. Advanced Happy National Heroes day to all!