Have You Met Pablo?

Dance number ng Pablo's Sweet Tarts

Kung di pa sinabi sa'kin ng asawa ko eh di ko malalamang may Pablo Cheesecakes and Tarts na pala sa Robinson's Place Manila. First time ko lang marinig ang Pablo na 'yan pero hype na hype na daw ito sa social media. Well, given naman na sigurong masarap s'ya (dapat lang dahil mahal s'ya!) pero ang nakakuha ng atensyon ko ay ang mga alingasngas na pwede ka daw abutin ng limang oras sa pila bago ka makabili ng produkto nila. Wow.

Nagbalik sa alaala ko ang JCO donuts. There was a time na pinutakte din ito ng mga tao. Box office ang pila at talagang parang santo ang pagpuri sa lasa ng donuts. Pero sa totoo lang, parang placebo effect lang yata, eh. Well, delicious is relative pero sa panlasa ko - parang sobrang tamis. Mas trip ko pa din ang Dunkin' Donuts sa totoo lang. Pero syempre after mo pilahan ng pagkatagal-tagal ang donut mo malamang medyo magiging bias ang panlasa mo, di ba? Again, maybe. Iba iba naman tayo ng upbringing sa mga taste buds natin so, let's leave it at that. Pero how about Pablo?

Real talk? Duda na agad ako sa Pablo. Saka ang pinoy talaga may tendency sumakay sa hype train, Unang una, parang I've seen this before - ayun nga, parang sa JCO, 'yung alingasngas at curiosity ng tao ang magbebenta sa produkto nila. Pero again, pwedeng pwede din namang may hustisya ang tagal ng pinila at binayaran mo sa lasa ng tarts nila. So we decided to find out ourselves.

Dumayo kami ng Robinson's Manila. Dahil nga sa horror stories ng pila, inagahan namin ang punta. Di naman to the point na sarado pa mall nakaabang na kami sa labas pero we were there before lunch. Aba! Sa labas pa lang may malaki ng ad ang Pablo. Marami na din nagse-selfie with the giant ad. Siguro mga bigo sa pagbili ng tarts kaya bumabawi na lang sa selfie.

Gotta love Pablo's marketing team

Pagpasok sa entrance ng mall - ayan na nga. Tumambad na ang pila sa amin. Hindi myth ang mala-ahas na haba ng pila. Napalamukos na lang ako ng mukha. Sa haba ng pila, parang 'yung iba 'dun doon na inabutan ng puberty. Kapansin pansin uli na doon sa loob na ng Pablo - non-stop na naman ang selfie shots ng mga customers. Sa bagay, para itong finish line moment di ba? Parang nakaabot sa tuktok ng Mt. Everest na feeling. So dapat lang ma-post talaga sa Facebook. As for us, well, hindi na kami nag-attempt pumila ng asawa ko - sayang ang tatlong araw.

Hindi po ito pila for NBI or Passprt application

Seriously speaking though, kung may panahon ka naman at wala kang plano - pwede mo naman pagtyagaan ang pila. Ako kasi nag-imagine ako ng pinakamasarap na tart na pwedeng mag-exist sa universe, tapos tinimbang ko sa utak ko. Nope. Di pa din ako pipila sa ganyang kahabang pila para d'yan. Hintayin ko na lang humupa ang hype and then definitely 'dun ko s'ya ita-try.

So for now kung may makakatikim ng produkto ng Pablo d'yan, eh ano ba'ng verdict n'yo? Sulit ba sa presyo? Worth ba pilahan? Ilang taon kayo nagsumila pumila at ilang taon kayo natapos? At syempre higit sa lahat, kung isa ka sa maswerteng nakatikim na ng goodies nila - penge naman d'yan!