Dear CHR (Commission on Human Rights)

Dear CHR (Commission on Human Rights),

Napanood n'yo ba 'to? 'Yung dalawang van drivers na nanggahasa ng dalawang babae? Kung hindi pa, please panoorin n'yo.

Nakakakulo ng dugo 'no? Nakakaawa. I mean, bakit naman kailangan pang sapakin o sampalin 'yung rapist? Sumuko na nga, eh tapos magugulpi pa? Nasaan na ang human rights nila? Nasaan ang hustisya?

Isa pa. nakakaalarma yata na parang gustong  ipabitay ng mga kaanak 'yung rapists. GRABE! Patay agad? 'Yung mga ganito may pag-asa pang magbago 'di ba CHR? Saka as if naman sinasadya, eh naimpluwensyahan lang naman daw 'yung rapist ng droga. Sana ikulong na lang sila. Pakainin ng gobyerno, bigyan ng rehabilitation, ganon - pero bitayin? Wow, OA ha. Hayup man ay may karapatan din sabi nga ng WWF at PAWS.. at CHR na din.

Ang mga rapists ay may damdamin ding nasasaktan 

Sa mga kaanak ng nabiktima, sana patawarin na lang natin sila. Wala namang sugat ang di nahihilom ng panahon 'di ba? Kahit trauma ng mga nabiktima eventually mawawala din 'yan. Isang araw bigla na lang siguro silang hahalakhak at magsasayaw sa ulan na parang walang nangyari. Ang mahalaga buhay sila - at 'yun naman ang importante di ba CHR? 

Kaya nga huwag naman natin kuhain ang buhay ng mga rapists na 'to. Pinili naman nilang buhayin 'yung mga biktima so quits lang. Tandaan po natin, ang mabuhay ay isa sa mga basic human rights. Ang karapatang hindi magahasa - ewan ko lang. 

Mabuhay ka CHR! 

Ronski