Misteryo ng Universe #4: Machine Man

Machine Man and Buknoy his "fighting ball"

Noong 1990's pinalabas ang Machine Man sa channel 13. Medyo di sya kasing sikat nina Shaider o Masked Rider Black pero medyo may recall na rin. Actually, mas sikat pa nga sa kanya yung sidekick nyang makulit na bola (ng baseball) na si Buknoy. In fairness, s'ya lang ang superhero na may ball. Pero meron pang mga kwestyonableng bagay about sa superhero na ito.

Maraming weird about kay Machine Man. From yung kapa nyang yari sa plastic cover to his mode of transportation na kotse (Machine Dolphin) na walang upuan at kailangang naka-planking kapag minaneho. Pero ang pinaka-weird at misteryo sa akin ay ang kanyang transformation technique. 

Ilang textbooks kaya ang kayang coveran ng kapa nya?

Machine Dolphin. Parang ataul lang pero nakadapa yung patay.

Imagine this. Kaharap na ni Machine Man (in his human form) ang isang kalaban. Face to face. So naisip na ng ating bida na magtransform to Machine Man - NGAYON DIN! Ayan na, papasok na ang theme song nya at BOOM! Makikita na lang nating tumatakbo palayo ang ating bida at naglakbay ng pagkaaaaaalayo-layo at sumakay sa Machine Dolphin at magpasiklab ng fancy moves at saka bumalik ulit sa harap ng kalaban na malamang eh naka-ilang tasa na ng kape sa tagal ng transformation. Ayos di ba? Nasa gitna na ng encounter naisipan pang bumiyahe para lang magpalit-anyo? BAKIT kailangang ganon? Shy type ba s'ya? Eh di palitan na lang natin pangalan nya ng Ma-shy Man kung ganon.