Ate, Ate.. Anyare? (Chapter 4: Ang Tamang Daan)

Babala: Bawal Tumawid Nakamamatay!

Haaay sarap! Semana santa at mahaba-habang bakasyon na naman tayo mga kaibigan. Mukhang magandang timing ito para ipagpatuloy ang ating epic pinoy zombie apocalypse adventure. Para sa mga ngayon pa lang makiki-join sa ating adventure, heto ang link sa nakaraang kaganapan sa ating istorya:

Ang Nakaraan...

With that, we now proceed to our heart-pounding, nail-biting, Ben Tumbling zombie apocalypse fiction!

CHAPTER 4: Ang Tamang Daan

Pagkahinto ng bus, parang mga baliw na nag-unahan sa exit ang mga celebrity pasahero. Kahit anong sigaw ni Robin na kumalma ang lahat, dedma lang ang mga ito. Syempre naman gusto lang nila makalayo kay zombie Nora na mukhang naglalaway na naman para sa kanyang next victim.

Ilang minuto pa ay naubos na ang laman ng bus. Ako na lang ang natira, si Robin, at syempre si Miriam na pinipilit pa rin paandarin ang bus.

"Bakit di ka pa sumama sa kanila sa pagtakas?" tanong ko kay Robin habang tinatali n'ya si Nora sa upuan. 

"Pre di ho ako nang-iiwan sa ere, ako ho ang konduktor ng bus na 'to at ipaglalaban ko ho ito hanggang huling hininga ko." proud na sagot ni Robin. "Si Ma'am Miriam ho ang kapitan ko at sa kanya lang ako susunod."

Ibang klase talaga sa loyalty si Binoy! Kung may Oscars award lang akong dala malamang naiabot ko na sa kanya sa sobrang touching ng speech n'ya. Pagkatapos maitali ni Robin si Nora sa upuan, tumayo na si Miriam sa kanyang upuan. "This is hopeless! Kailangan natin ng gas if we want to get out of this place." 

Tumingin tingin sa labas ng bintana si Robin. Natanaw n'ya 'yung mga pasahero ng bus na nagsitakbuhan sa labas. Kitang-kita n'ya paano lapain ng zombies ang magkapatid na Richard at Raymond. Sina Tito, Vic, and Joey naman di malaman kung saan tatakbo dahil hinahabol din sila ng zombie ng sina Vhong Navarro, Jhong Hilario, at Vice Ganda. Eat Bulaga vs Showtime lang ang peg. Walang makawala kay Vice Ganda sa haba ng biyas nito, isang hakbang n'ya ay tatlong hakbang na ang katumbas kaya naman di rin nagtagal ay naabutan din n'ya sina Tito, Vic, and Joey. At ang bilis sumipsip ng dugo ni Vice, in fairness. Nang matapos lapain ang trio, bigla itong tumingin sa direksyon ni Robin. Matalim na tingin.. na may halong pagnanasa ng konte.

Vice habang pumapapak ng longganisa

"Syet! Mukhang dito papunta ang Showtime zombies ma'am Miriam." kabadong sigaw ni Robin.

"Mukhang wala tayong choice kundi mag-evacuate..." Halatang nanghihinayang iwan ni Miriam ang bus pero talagang no choice na kami. So we decided to abandon ship. Inabutan kami ni Miriam ng pamalong tubo. "Boys, ready your balls because we're heading out!"

Pero bago pa man kami makababa ng bus ay tumambad na naman sa harap namin si Janet Napoles at isa na s'yang zombie! Hinataw namin ng tubo ni Robin sa mukha si Janet pero wa-epek. 

"Useless 'yan boys, ganyan kakapal mukha n'yan!" birada ni Miriam habang kinukuha ang lalagyanan ng pamasahe ng bus. "Heto ang weakness n'yan." Hinagis ni Miriam sa labas ang lahat ng perang pamasahe and as expected, ito ang hinabol ni zombie Janet at pinagkakain. Wow, pati sa afterlife pera pera pa din!

Tumakbo kami sa isang residential area at luckily nakakita kami ng isang gasoline station sa di kalayuan! Pinag-iisipan namin kung kukuha pa ba kami ng gas for the bus o ituloy na lang ang pakikipagsapalaran sa area na 'to. Pero bago pa kami makapag decide bigla kaming nakarinig ng matilis na sigaw.

"HEEELLP!" boses ng isang babae na papalapit sa direction namin. Si Anne Curtis hinahabol ng Showtime zombies! As usual, malapit na namang abutan ni Vice zombie si Anne sa laki ng hakbang n'ya. Pero bago pa mahablot ni Vice si Anne, isang flying tubo ang tumama sa ulo ni Vice. BOOM! Panes! Initsa pala ni Robin ang tubo n'ya. Asintado talaga si idol! Napayakap si Anne kay Robin pero patuloy pa ding sumusunod sina Vhong at Jhong sa kanya, And now, it's my time to shine! 

Lumusob ako kina Vhong at Jhong para hatawin sila ng tubo sa ulo. Pero bigla silang nag back-flip at nakaiwas. Apparenty nasa dugo pa din nila ang pagiging Streetboys - ang hirap tamaan! Tuwing aasintahin ko ang ulo nila bigla na lang silang mag be-break dance. Paksyet! Paano ba 'to? At biglang out of nowhere ay may nag-sniper sa ulo nina Vhong at Jhong. Double dead. 

"Saan nanggaling 'yon? Walanghiya mas asintado pa sa'kin, ah." pahangang sabi ni Robin. "Parang sanay na sanay, eh."

"Kilala ko 'yan.." sabi ni Miriam. "Ayun s'ya sa taas ng pulang building. Si Rudy Duterte, ang sniper bae ng Davao."

Rudy the Sniper Bae ng Davao

"We're saved!" Sigaw ni Anne habang yumakap ulit kay Robin (nakakarami na 'yan, ah). Biglang from behind may kumalabit kay Miriam. At dahil sa military reflexes ni Miriam chinoke n'ya agad ang misteryosong lalaking nangalabit. "Sino ka?!" tanong ni Miriam habang hinigpitan pa ang pag choke sa lalake. Nagtatap-out na ang lalake.

"Ak-ko 'to, Mir-riam.. si Jej-jo..marrr..." Si Jejomar Binay pala. Ang ex-boyfriend ni Miriam. "Oh, buhay ka pa pala? Sana nasama ka na lang sa mga naging zombies." pasupladang sabi ni Miriam habang binitawan na si Binay.

"Hinanap talaga kita, Miriam. Di ko maatim na mag-evacuate ng di ka kasama." palambing na banat ni Binay, "Bakit kasi kung sino pang pandak s'ya pang iniiwan, kung sino pang nog-nog s'ya pang laging luhaan... only Binay, only... Binay."

"Ma'am sasapakin ko na 'to! Di ba 'yan 'yung pinagpalit ka sa mas bata at mayaman?" sabi ni Robin habang pinipigilan ni Anne. "Easy ka lang, Robin. Let's hear what he has to say." nagmamakaawang sabi ni Anne.

"Meron akong alam na pwede nating taguan habang nagkalat pa ang zombies sa Manila. Maraming pagkain, may tubig, at higit sa lahat may wi-fi." pagpapaliwanag ni Binay. Lumaki ang mata ni Anne sa salitang "wi-fi". "Eh, saan naman po 'yan?" tanong ni Anne.

"Nako iha, d'yan lang sa may madilim na eskinita. Sa daang madilim." sabi ni Binay habang nagpapa-cute kay Anne. "Nako, ayoko d'yan - gusto ko sa daang matuwid, doon sa balwarte ng kapamilya ko na sina Korina at Mar." sagot naman ni Anne.

Maya-maya pa ay may isang grupo na naman ng zombies ang papalapit sa amin. Kailangan na naming magdesisyon kung saan kami pupunta. Sa daang matuwid ba o sa daang madilim. Biglang may nag-megaphone mula sa taas ng pulang building.

Anne, Binay, Miriam, Robin, and Duterte
(photobomber sa taas ng pulang building na so clean, so good)

"Dito na lang kayo sa building na 'to, within 3 to 6 hours ubusin ko ang mga zombies na 'yan makita n'yo." Lalong nalito si Miriam sa matamis na pangako ni Rudy. "Ma'am kailangan na natin magdesisyon!" paalala ni Robin kay Miriam dahil medyo papalapit na sa amin ang zombies. Pero bago pa man magsalita si Miriam, isang itim na montero ang biglang huminto sa harapan namin. Nagulat kami lahat ng bumukas ang pinto. Si Grace Poe - ang anak ng haring action star!

Nakapang combat uniform si Grace at may pulang tali sa ulo na parang super ready na to rumble. "Sakay na kayo! Doon tayo sa daang hari - DALI!"

(to be continued...)