May the Best Woman Win

The motherly candidate

So natapos na nga ang vice presidential debates kahapon and talaga namang super hot ang mga pangyayari! Panalo na naman ang mga viewers dahil super entertaining ang karambola ng mga kandidato. Parang naririnig ko tuloy sumigaw si Russell Crowe (from the film Gladiator) ng "Are you entertained?!!"

Anyway, napansin n'yo din ba ang mga ito sa debate?

• Chiz: Kaboses ni Peebo ng Bioman (robotic)
• Bongbong: Laging kulelat magtaas ng thumbs up/down card (sneaky)
• Cayetano: Natameme sa usapan ng anti-dynasty bill (guilty)
• Trillanes at Honasan: Parang back-up dancers lang (sorry)
• Robredo: Panalo ang ending na "may the best woman win" (witty)

In fairness, napangiti ako sa closing statement ni Leni. Sigurado ako hindi lang ako ang natuwa 'don. Pero alam n'yo bang hindi original ni Leni ang linyang ito? Yes, just this morning, I came across this Facebook post:

May the best women win

Honestly, medyo disappointed ako kasi akala ko original line n'ya 'yun. Pero as expected, ang malupit na mundo ng social media ay hindi naging mapagpatawad. Grabe ang backlash ng ibang tao sa issue na 'to (kung issue nga ito). Nandyang naikumpara pa si Leni kay Tito Sotto dahil sa plagiarism.

Okay, unang-una eh ano naman ngayon?! Hindi naman kine-claim ni Leni na s'ya ang nakaisip ng linya na 'yan. Besides, the occasion was perfect for such line. S'ya lang ang babaeng kandidato kaya sakto 'di ba? OA naman maka-react talaga ang ibang tao, eh. Sobrang harsh! Times like this talagang maiisip mo talaga na nasa peak na tayo ng campaign season dahil konting butas lang na makita ng kalaban talagang papalakihin. Tulad nito, classic example. 

Leni Robredo strikes me as a very caring candidate. Alam mo 'yun, parang nanay na nanay 'yung dating, eh. Kaya siguro ang mga nabadtrip sa linya na 'yon eh kulang sa motherly love kaya sobra ang galit sa mundo. Kulang sa yakap ng ina. Oh well, this just goes to show na huwag muna masyado papadala sa mga nababasa sa social media lalo na sa panahon ng eleksyon. Ang daming exaggerated at mga questionable info! Kaya huwag uto-uto at maging wise di lang sa pagboto pati na rin sa pag-absorb ng info sa napakaruming mundo internet.